Hoppa yfir valmynd
2. desember 2013 Fjármála- og efnahagsráðuneytið

Settur skrifstofustjóri rekstrarsviðs

Sverrir Jónsson
Sverrir Jónsson

Fjármála- og efnahagsráðherra hefur sett Sverri Jónsson til að gegna embætti skrifstofustjóra rekstrarsviðs ráðuneytisins. Sverrir gegnir embættinu í fjarveru Angantýs Einarssonar, sem um mánaðamótin hóf störf í sendiráði Íslands í Brussel.

Sverrir hefur meistarapróf í stjórnsýslufræði frá Háskóla Íslands. Hann útskrifaðist árið 2003 frá hagfræðideild Háskóla Íslands með atvinnulífsfræði sem aukagrein.

Sverrir starfaði sem hagfræðingur hjá kjarasviði SFR-stéttarfélags í almannaþjónustu árin 2003 - 2006.

Hann hóf störf á starfsmannaskrifstofu fjármálaráðuneytisins árið  2006 og var þar til 2011. Þá tók hann við sem staðgengill skrifstofustjóra rekstrarsviðs ráðuneytisins.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum