Hoppa yfir valmynd
11. desember 2013 Mennta- og menningarmálaráðuneytið

Mennta- og menningarmálaráðherra hitti skóla- og frístundaráð Reykjavíkur

Meðal þess sem rætt var um á fundinum var læsi á báðum fyrstu skólastigunum, niðurstöður PISA, mikilvægi leikskólans og fleira.

Mennta- og menningarmálaráðherra hitti skóla- og frístundaráði Reykjavíkur
Mennta- og menningarmálaráðherra hitti skóla- og frístundaráði Reykjavíkur

Illugi Gunnarsson mennta- og menningarmálaráðherra átt í dag fund með Skóla- og frístundaráð Reykjavíkur til að ræða þau mál í skóla- og frístundastarfi sem efst eru á baugi, svo sem niðurstöður nýrrar PISA-könnunar, læsi barna og ungmenna og innleiðingu nýrra  aðalnámskráa.

Auk ráðherra og starfsfólks úr mennta- og menningarmálaráðuneyti sátu fundinn nokkrir borgar- og varaborgarfulltrúar, áheyrnarfulltrúar skólastjórnenda, starfsfólks og foreldra sem og sérfræðingar borgarinnar.

Gagnlegar umræður urðu á fundinum og lýstu bæði Oddný Sturludóttir, formaður skóla- og frístundaráðs  og Illugi Gunnarsson mennta- og menningarmálaráðherra yfir ánægju sinni með fundinn og var einhugur  um að skóla- og frístundaráð byði ráðherra á hverju ári til slíks samtals.

Meðal þess sem rætt var um á fundinum var læsi á báðum fyrstu skólastigunum, niðurstöður PISA, mikilvægi leikskólans sem upphaf náms og læsis, námsmat, menntun kennara, mikilvægi frístundastarfs fyrir börn og ungmenni, hlutverk og ábyrgð foreldra, skóla án aðgreiningar, talþjálfun og fjölbreyttari námsgögn.

Mennta- og menningarmálaráðherra hitti skóla- og frístundaráði Reykjavíkur

Þorbjörg Helga Vigfúsdóttir, Kjartan Magnússon, Illugi Gunnarsson, Oddný Sturludóttir, Ragnar Hansson, Líf Magneudóttir og Eva Einarsdóttir.

Hafa samband

Ábending / fyrirspurn
Ruslvörn


Þessi síða notar vafrakökur Lesa meira