Hoppa yfir valmynd
12. desember 2013 Mennta- og menningarmálaráðuneytið

Fyrsta úthlutun úr Hönnunarsjóði

Veittir eru styrki til margvíslegra verkefna á sviði hönnunar og arkitektúrs, þ.e.  þróunar og rannsókna, verkefna og markaðsstarfs auk sérstakra ferðastyrkja.
Fyrsta úthlutun úr Hönnunarsjóð
Fyrsta úthlutun úr Hönnunarsjóð

Veittir eru styrki til margvíslegra verkefna á sviði hönnunar og arkitektúrs, þ.e.  þróunar og rannsókna, verkefna og markaðsstarfs auk sérstakra ferðastyrkja.

Hönnunarsjóður hefur úthlutað styrkjum til hönnuða og arkitekta, samtals að fjárhæð um 41 milljón kr. Yfir 200 umsóknir bárust sjóðnum og samtals var sótt um yfir 400 m.kr.  Veittir eru styrki til margvíslegra verkefna á sviði hönnunar og arkitektúrs; þróunar og rannsókna, verkefna og markaðsstarfs auk sérstakra ferðastyrkja.

Styrkir verða veittir til 29 verkefna auk þess sem veittir verða 20 ferðastyrkir til 13 verkefna. Styrkfjárhæðirnar eru flestar á bilinu 1 - 2,5 m.kr. en hæsti styrkurinn er 3,8 m.kr. að þessu sinni. Ferðastyrkirnir nema allir 100 þús.kr.

Meðal verkefna sem hljóta styrki eru nýjar fatalínur bæði eldri og yngri fatahönnuða. Þá hljóta fatahönnunarfyrirtæki og vöru- og húsgagnahönnuðir styrki til markaðssetningar erlendis. Einnig hljóta verkefni á sviði grafískrar hönnunar, arkitektúrs, leirkerahönnunar, skartgripahönnunar og textílhönnunar styrki.

Fimm rannsóknar- og söguskráningarverkefni hljóta styrki að þessu sinni enda er skrásetningu hönnunarsögu ábótavant hér á landi að mati stjórnar sjóðsins.

Styrkirnir dreifast jafnt til ungra hönnuða, sem eru að stíga sín fyrstu skref og reyndari hönnuða sem hyggja á frekari landvinninga.

Hönnunarsjóður heyrir undir mennta- og menningarmálaráðuneyti og er tekjustofn hans árlegt framlag sem Alþingi ákveður á fjárlögum. Í ár er framlag til sjóðsins 45 m.kr.

Megin hlutverk hönnunarsjóðs er að efla þekkingu, ásamt atvinnu- og verðmætasköpun á sviði hönnunar og arkitektúrs með fjárhagslegum stuðningi. Sjóðurinn styrkir jafnframt kynningar- og markaðsstarf erlendis sem stuðlar að auknum útflutningi íslenskrar hönnunar.


Við úthlutun sjóðsins er lögð áhersla á fjóra flokka: þróunar- og rannsóknarstyrki, verkefnastyrki, markaðs- og kynningarstyrki og ferðastyrki.

Listi yfir styrkþega:

As We Grow ehf.  Markaðssetning erlendis á barnafatalínu  1.500.000
Bryndís Bolladóttir  Markaðssetning erlendis á kÚLU  1.500.000
Scintilla ehf  Scintilla í samstarf við KJR Home  1.500.000
Steinunn Sigurd ehf.  STEiNUNN - KARLMANNSLÍNA  1.500.000
Sigrún Alba Sigurðardóttir  Arkitektúr hugmyndanna - hugmyndir arkitekta  1.000.000
Kristín Þorleifsdóttir  Bók um borgarrými  1.000.000
Kristbjörg Guðmundsdóttir  DUFTKER - ÞRÓUNARVERKEFNI  1.000.000
Einar E. Sæmundsen  Garðsaga Íslands  1.000.000
Halldóra Arnardóttir  Íslensk híbýlafræði: Kristín Guðmundsdóttir  1.000.000
Jón Helgi Hólmgeirsson  Jónófón  1.000.000
Sigríður Rún Kristinsdóttir  Líffærafræði Leturs  1.000.000
Guðmundur Oddur Magnússon  Saga Grafískrar Hönnunar á Íslandi  1.500.000
Atli Hilmarsson  Sumarnámskeið í grafískri hönnun  1.000.000
Guðbjörg Kristín Ingvarsdóttir  Markaðs- og sölusókn í Bretlandi  930.000
Helga Ósk Einarsdóttir  Milla  880.000
Unnur Valdís Kristjánsdóttir  Float  750.000
Magnea Einarsdóttir  Magnea  750.000
Erla Sólveig Óskarsdóttir  Dyngja og Hyrna á Norðurlandamarkað  700.000
Inga S. Ragnarsdóttir  Deiglumór  600.000
Fatahönnunarfélag Íslands  Sýning á Hönnunarmars 2014  350.000

Eftirtaldir hlutu ferðastyrk að upphæð 100.000kr. :

Anna María Bogadóttir, Anna Þórunn Hauksdóttir, Auður Ösp Guðmundsdóttir, Elísabet Agla Stefánsdóttir, Embla Vigfúsdóttir, Guðbjörg Káradóttir, Guðmundur Jörundsson, Hildigunnur Sverrisdóttir, Hildur Steinþórsdóttir, Hörður Lárusson, Ingibjörg Hanna Bjarnadóttir, Kristrún Thors, María Manda Ívarsdóttir, Marý Ólafsdóttir, Ólöf Jakobína Ernudóttir, Sigríður Sigurjónsdóttir, Sigrún Halla Unnarsdóttir, Sigurjón Pálsson, Sturla Már jónsson og Thibaut Allgayer.

Hafa samband

Ábending / fyrirspurn
Ruslvörn


Þessi síða notar vafrakökur Lesa meira