Fjármála- og efnahagsráðuneytið

Útborgun eingreiðslu

Eingreiðsla að upphæð kr. 38.000 kemur almennt til útborgunar þann 1. febrúar næstkomandi.
 
Með samkomulagi fjármála- og efnahagsráðherra við stéttarfélög og bandalög þeirra í febrúar síðastliðnum voru gerðar nokkrar breytingar á kjarasamningum svo sem stytting á gildistíma samninganna.

Einnig var þá samið um að færa fyrirhugaða eingreiðslu til 1. janúar en fyrirhugað var að hún yrði 1. mars.

Vegna skattalegra vandkvæða féllust öll félög og bandalög á að 1. febrúar væri heppilegri dagsetning til útborgunar eingreiðslunnar. Það er þó að undanteknum félögum lækna; Læknafélagi Íslands og Skurðlæknafélagi Íslands.

Niðurstaða var að greiða öllum starfsmönnum ríkisins, að undanskildum læknum, 38.000 kr. eingreiðslu, samkvæmt kjarasamningum, þann 1. febrúar næstkomandi með almennum launum.

Hafa samband

Ábending / fyrirspurn