Hoppa yfir valmynd
9. apríl 2014 Matvælaráðuneytið

Fjárfestingarsamningur vegna kísilvers í Helguvík undirritaður

Undirritun samnings við United Silicon
Undirritun samnings við United Silicon

Í dag undirritaði Ragnheiður Elín Árnadóttir iðnaðar- og viðskiptaráðherra fjárfestingar-samning við United Silicon hf. vegna fyrirhugaðs kísilvers félagsins í Helguvík á Reykjanesi. Um er að ræða nýfjárfestingarverkefni sem hljóðar upp á 74 milljónir evra, eða tæplega 12 milljarða íslenskra króna. 

Áætluð ársframleiðsla kísilversins er 21.000 tonn af kísli og 7.500 tonn af kísilryki. Gert er ráð fyrir að 60 starfsmenn komi til með að vinna við verksmiðjuna og starfsmenn við byggingu hennar verði allt að 200. Miðað er við að framleiðsla hefjist á árinu 2016 og að fullum afköstum verði náð 2017. 

Fjárfestingarsamningurinn er gerður með fyrirvara um heimild Alþingis, sem aflað verður með sérlögum, og samþykkis Eftirlitsstofnunar EFTA (ESA). Samkvæmt samningnum eru veittar nauðsynlegar ívilnanir til verkefnisins sem felast fyrst og fremst í 15% tekjuskatti og 50% afslætti af almennu tryggingargjaldi í 10 ár frá því að gjaldskylda myndast en að hámarki í 13 ár frá því samningurinn tekur gildi. Að auki veitir sveitarfélagið Reykjanesbær verkefninu ákveðnar ívilnanir til jafn langs tíma.

Ráðgjafi United Silicon hf. vegna fjármögnunar verkefnisins er fyrirtækjaráðgjöf Arion banka hf. en fyrirhugað er að fjármögnun verði bæði í formi lánveitinga og skuldabréfaútgáfu. 



Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira