Velferðarráðuneytið

Ákvörðun ríkisstjórnar um móttöku 13 sýrlenskra flóttamanna

Vegabréf
Vegabréf

Ríkisstjórnin hefur tekið ákvörðun um móttöku 13 sýrlenskra flóttamanna í neyð og að undirbúningur vegna móttöku þeirra hefjist þegar í stað. Ákvörðunin er í samræmi við tillögu flóttamannanefndar og Flóttamannastofnunar Sameinuðu þjóðanna.

Ákvörðunin er tekin í framhaldi af samþykkt ríkisstjórnarinnar 23. maí síðastliðinn þar sem brugðist var við ákalli Flóttamannastofnunar Sameinuðu þjóðanna til aðildarríkja sinna um að koma til aðstoðar og taka á móti flóttafólki frá Sýrlandi sem leitað hefur til nágrannaríkjanna. Flóttamannanefnd var þá falið að leggja fram tillögu um einstaklinga sem tekið skyldi á móti, að höfðu samráði við Flóttamannastofnun Sameinuðu þjóðanna. Áhersla var lögð á að bjóða hingað flóttafólki sem hefur slasast eða stríðir við veikindi og hefur því brýna þörf fyrir heilbrigðisþjónustu.

Sýrlenska flóttafólkið sem boðið verður að koma til Íslands dvelur nú í Tyrklandi. Þetta eru fjórar fjölskyldur, þar af sex börn. Ríkisstjórnin hefur falið flóttamannanefnd að undirbúa móttöku fólksins og leitast eftir samstarfi við sveitarfélög á höfuðborgarsvæðinu, auk Rauða krossins á Íslandi sem annast ýmsa þætti sem tengjast móttöku flóttafólks samkvæmt samningi við velferðarráðuneytið.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn