Strandveiðar á A og C svæði.

Fiskistofa hefur gefið út auglýsingar um stöðvun strandveiða sem hér segir: Svæði A: 13. ágúst, svæði B og svæði C: 14. ágúst. Stofnunin hefur vakið athygli ráðuneytisins á því að aflaheimildir verða ekki fullnýttar miðað við þennan tíma.

Í ljósi þessa hefur ráðuneytið, að höfðu samráði við Landssamband smábátaeigenda, ákveðið að heimila frekari veiðar sem hér segir: Á A-svæði verði heimilt að veiða mánudaginn 18. ágúst 2014 og á C-svæði verði heimilt að veiða dagana 18. og 19. ágúst 2014.

Í ráðuneytinu er unnið að frágangi sérstakrar reglugerðar til samræmis við þetta.