Skaðleg áhrif eldgossins í Holuhrauni minni en óttast var í fyrstu.

Á málþingi sem haldið var 23. mars 2015, um áhrif mengunar frá eldgosinu í Holuhrauni á gróður og lífríki kom fram að þrátt fyrir að gífurlegt magn mengunarefna hefði komið upp með gosinu, þá væru  líkurnar á að gosið hefði alvarlegar afleiðingar á lífríki og dýralíf minni en menn hafi óttast.  Enn er þó mörgum spurningum ósvarað og ekki hægt að fullyrða neitt fyrr en fyrirhugaðri rannsóknavinnu er lokið.

Erindin á ráðstefnunni:

• Efnamengun frá eldgosinu, Gerður Stefánsdóttir frá Veðurstofu Íslands

• Loftmengun, Þorsteinn Jóhannson frá Umhverfisstofnun

• Mengun yfirborðsvatns, Eydís Salóme Eiríksdóttir frá Jarðvísindastofnun Háskóla Íslands

• Áhrif eldgossins á lífríki í ám og vötnum, Halla Margrét Jóhannsdóttir frá Veiðimálastofnun

• Áhrif eldgossins á villt dýr og vistkerfi, Sigurður H. Magnússon frá Náttúrufræðistofnun

• Áhrif eldgossins á gróður og fóður fyrir búfé, Guðni Þorvaldsson frá Landbúnaðarháskólanum

• Áhrif eldgossins á skógrækt, Edda Sigurdís Oddsdóttir frá Skógrækt ríkisins

Málþingið var haldið af Almannavarnadeild ríkislögreglustjóra, Bændasamtökum Íslands, atvinnuvega- og nýsköpunarráðuneytinu og umhverfis- og auðlindaráðuneytinu.