Greiðsluafkoma ríkissjóðs fyrir janúar-mars 2015
Greiðsluuppgjör ríkissjóðs fyrir janúar – mars 2015 liggur nú fyrir. Það gefur upplýsingar um afkomu ríkissjóðs á grundvelli innheimtra tekna og greiddra gjalda.
Handbært fé frá rekstri versnaði verulega á milli ára og var neikvætt um tæpan 43,1 ma.kr. samanborið við jákvætt handbært fé upp á 3,7 ma.kr. 2014. Þetta skýrist að stærstum hluta með útgreiðslum vegna leiðréttingar verðtryggðra húsnæðislána sem gjaldfærðar voru í lok árs 2014 en komu til greiðslu í janúar. Innheimtar tekjur jukust um 9,1 ma.kr. milli ára en greidd gjöld jukust um 22,6 ma.kr.