Hoppa yfir valmynd
7. október 2015 Mennta- og menningarmálaráðuneytið

Tillögur um fullorðins- og framhaldsfræðslu og um stefnumótun í náms- og starfsráðgjöf

Birtar hafa verið skýrslur verkefnahóps um fullorðins- og framhaldsfræðslu og starfshóps um stefnumótun í náms- og starfsráðgjöf

Fullordins2

Viðfangsefni verkefnahóps um fullorðins- og framhaldsfræðslu var að móta tillögur að úrbótum og breytingum á námsframboði fyrir fullorðna sem ekki hafa lokið námi í framhaldsskóla. Verkefninu var einnig ætlað að móta tillögur að heildstæðu kerfi náms sem gefur fullorðnum möguleika á að ljúka námi með tilliti til hækkaðs menntunarstigs, eigin starfsþróunar og náms sem hefur skilgreind námslok.

Starfshópur um stefnumótun í náms- og starfsráðgjöf gerði í skýrslu sinni tillögur um framtíðarsýn, stefnu og aðgerðir fyrir náms- og starfsráðgjöf á Íslandi. Starfshópurinn var skipaður í maí 2014. Í honum sátu fulltrúar mennta- og menningarmálaráðuneytis, velferðarráðuneytis, atvinnuvega- og nýsköpunarráðuneytis og Félags náms- og starfsráðgjafa. 

Ráðuneytið hefur nú framangreindar skýrslur til athugunar en hefur ekki tekið afstöðu til þeirra og birtir þær með þeim fyrirvara.


Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira