Forsætisráðuneytinu færð frímerki að gjöf í tilefni 100 afmælis þjóðfánans 2015
Aldarafmæli íslenska fánans var fagnað þann 19. júní sl. og í tilefni þeirra merku tímamóta gaf Íslandspóstur úr frímerki með þjóðfánanum og smáörk með frímerki sem sýnir fánanefndina frá 1913. Hörður Lárusson, sem er grafískur hönnuður, hannaði frímerkin.
Í tilefni þessarar útgáfu færðu þeir Vilhjálmur Sigurðsson, forstöðumaður Frímerkjasölu Íslandspósts, og Hörður Lárusson forsætisráðuneytinu þessi frímerki að gjöf ásamt fánabókum sem Hörður Lárusson hannaði og bókaútgáfan Crymogea gaf út á árunum 2008 – 2014.
Sigmundur Davíð Gunnlaugsson forsætisráðherra veitti gjöfinni viðtöku.
Að sögn Vilhjálms þótti viðeigandi að ráðuneytið ætti bæði frímerkin og fánabækur Harðar, en hvort tveggja var hluti af „Fánaverkefni“ því sem Hörður sendi sl. haust í samkeppni um Hönnunarverðlaun Íslands fyrir árið 2015. Fánaverkefni Harðar var valið eitt af fimm framúrskarandi verkefnum í forvali dómnefndar.