Aukið fé í sóknaráætlanir landshluta
Í nýsamþykktum fjárlögum fyrir árið 2016 eru framlög til sóknaráætlana landshluta hækkuð um alls 80 milljónir og verða því 631 m.kr.
Sóknaráætlanir fela í sér mikla nýbreytni í samstarfi ráðuneyta og sveitarfélaga. Með sóknaráætlunum er verið að færa aukin völd og aukna ábyrgð til landshlutanna á útdeilingu fjármagns á sviði byggða- og samfélagsþróunar. Ákvarðanatakan er með þessu í höndum heimamanna sem þekkja best til aðstæðna.