Embætti safnstjóra Listasafns Íslands

Embætti safnstjóra Listasafns Íslands er laust til umsóknar. Safnstjóri stjórnar starfsemi og rekstri safnsins og mótar listræna stefnu þess. Hann ræður aðra starfsmenn safnsins og er í fyrirsvari fyrir það.

Ráðherra skipar safnstjóra Listasafns Íslands til fimm ára, sbr. 1. mgr. 4. gr. myndlistarlaga, nr. 64/2012 og lög um réttindi og skyldur starfsmanna ríkisins, nr. 70/1996 . Heimilt er að endurnýja skipunina einu sinni til næstu fimm ára.

• Safnstjóri skal hafa háskólamenntun og staðgóða þekkingu á starfssviði safnsins.
• Gert er ráð fyrir því að skipað verði í embættið frá og með 1. mars 2017.

Um laun og starfskjör safnstjóra Listasafns Íslands fer eftir ákvörðun kjararáðs, sbr. lög um kjararáð, nr. 47/2006 , með síðari breytingum, sbr. 39. gr. laga um réttindi og skyldur starfsmanna ríkisins, nr. 70/1996 .

Umsóknir með upplýsingum um menntun og starfsferil sendist mennta- og menningarmálaráðuneyti, Sölvhólsgötu 4, 101 Reykjavík, eða á mailto:[email protected] . Nánari upplýsingar um starfið veitir Jens Pétur Hjaltested, [email protected] . 

• Umsóknarfrestur er til og með 10. október 2016.