Hoppa yfir valmynd
15. desember 2016 Heilbrigðisráðuneytið

Starfshópur um nýtingu erfðaupplýsinga til einstaklingsmiðaðra forvarna

Lífvísindi
Lífvísindi

Kristján Þór Júlíusson heilbrigðisráðherra hefur skipað starfshóp sem leggja á fram tillögur um nýtingu erfðaupplýsinga í einstaklingsmiðuðum forvörnum. Hópurinn skal leggja sérstaka áherslu á miðlun upplýsinga um stökkbreytingar í BRCA genum sem auka verulega hættu á brjóstakrabbameini.

Í skipunarbréfi starfshópsins segir að mikilvægt sé að heilbrigðisyfirvöld móti stefnu á þessu sviði þar sem fram komi hvernig réttast sé að nýta erfðaupplýsingar í einstaklingsmiðuðum forvörnum, bæði út frá siðferðislegum og læknisfræðilegum sjónarmiðum. Þess sé vænst að vinna starfshópsins gefi heilbrigðisyfirvöldum góðan grunn til að standa á þegar hafist verði handa við skynsamlega nýtingu upplýsinga úr gagnagrunnum hér á landi í forvarnarskyni.

Formaður starfshópsins er Sigurður Guðmundsson. Aðrir nefndarmenn eru:

  • Hörður Helgi Helgason, án tilnefningar
  • Jón Jóhannes Jónsson, tiln. af Landspítala
  • Kári Stefánsson, tiln. af Íslenskri erfðagreiningu
  • Laufey Tryggvadóttir, tiln. af Krabbameinsfélagi Íslands
  • Rósa Dögg Flosadóttir, tiln. af innanríkisráðuneyti
  • Sigríður Haraldsdóttir, tiln. af Embætti landlæknis
  • Unnur Anna Valdimarsdóttir, tiln. af heilbrigðisvísindasviði Háskóla Íslands
  • Þórunn Oddný Steinsdóttir er fulltrúi velferðarráðuneytisins í starfshópnum og jafnframt starfsmaður hópsins.

Gert er ráð fyrir að hópurinn skili tillögum sínum til heilbrigðisráðherra fyrir 1. nóvember 2017.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira