Mennta- og menningarmálaráðuneytið

Ytra mat á framkvæmd Biophiliu menntaverkefnisins

Helstu niðurstöður verkefnamatsins sýna að Biophilia hefur haft jákvæð áhrif á kennsluaðferðir og greina má aukinn áhuga kennara sem tóku þátt í verkefninu á að beita skapandi aðferðum við kennslu

Biophilia-22
Biophilia-22

Þriggja ára formennskuverkefni Íslands í Norrænu ráðherranefndinni um Biophiliu menntaverkefnið lýkur í lok þessa árs. Verkefnið hefur verið viðamikið en 33 skólar, 147 kennarar og 4354 nemendur í átta löndum hafa tekið þátt í því.

Markmiðið með Biophilia menntaverkefninu er að kenna börnum á skapandi hátt um tónlist og náttúruvísindi með aðstoð tækni og þverfaglegra kennsluhátta.

Ráðgjafarfyrirtækið Attentus gerði úttekt á Biophiliu menntaverkefninu að beiðni mennta- og menningarmálaráðuneytis en henni var ætlað að leggja mat á framkvæmd og aðferðafræði norræna Biophiliu menntaverkefnisins, hverjir veikleikar og styrkleikar verkefnisins hafi verið og afla upplýsinga um hvaða áhrif verkefnið hafði á þátttakendur, störf þeirra og starfsumhverfi.

Helstu niðurstöður sýna að Biophilia hefur haft jákvæð áhrif á kennsluaðferðir þátttakenda. Greina má aukinn áhuga þeirra kennara sem tóku þátt í því að beita skapandi aðferðum í kennslu og  í flestum  þátttökulöndunum merktu menn aukinn áhuga nemenda á tónlist og náttúruvísindum í kjölfar kennslunnar.

Úttektina má nálgast hér.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn