Ingvar J. Rögnvaldsson settur ríkisskattstjóri
Frá og með 1. maí 2018 hefur Ingvar J. Rögnvaldsson verið tímabundið settur til að gegna embætti ríkisskattstjóra.
Ingvar lauk lögfræðiprófi frá Háskóla Íslands árið 1977 og stundaði framhaldsnám við Kaupmannahafnarháskóla á árunum 1977 til 1979. Ingvar hefur gegnt stöðu vararíkisskattstjóra frá árinu 2000.
Fráfarandi ríkisskattstjóri, Skúli Eggert Þórðarson, hefur verið kjörinn ríkisendurskoðandi af Alþingi til næstu sex ára. Fjármála- og efnahagsráðuneytið þakkar honum fyrir samstarfið á liðnum árum og óskar honum velfarnaðar.