Hoppa yfir valmynd
13. júní 2019

Umsjón veitinga

Umsjón veitinga

Forsætisráðuneytið óskar eftir að ráða starfsmann í eldhús.

Starfið heyrir undir skrifstofu fjármála sem fer með almennan rekstur ráðuneytisins, fjármál, stefnumótun málaflokka ráðuneytisins, fjárlagagerð og framkvæmd fjárlaga, áætlanagerð, mannauðsmál, eignaumsjón, öryggisgæslu og fleira. 

Helstu verkefni og ábyrgð
Starfið felst í að sjá um veitinga- og fundaþjónustu ásamt matseld í ráðuneytinu í hádeginu. Viðkomandi sér meðal annars um innkaup á hráefni, annast faglegan rekstur eldhúss og matreiðslu, frágang í eldhúsi sem og ýmis önnur tilfallandi verkefni. Manneldismarkmið, hollustuhættir og hagkvæmni eru höfð til viðmiðunar við framreiðslu sem og innkaupastefna matvæla fyrir ríkisaðila.

Hæfniskröfur
Menntun sem matreiðslumaður nauðsynleg.
Reynsla af sambærilegu starfi og hæfni í framreiðslu og þjónustu er nauðsynleg.
Þekking á náttúrulegu hráefni og reynsla í hollri matargerð æskileg.
Frumkvæði í starfi og sjálfstæð vinnubrögð.
Jákvætt viðmót og góð færni í mannlegum samskipum.
Lög er áhersla á skipulögð vinnubrögð og sveigjanleika í starfi.

Umsækjandi þarf að geta hafið störf 1. ágúst nk. Umsókn um starfið skal senda á póstfang forsætisráðuneytisins [email protected] og skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. 

Starfshlutfall er 100%.
Umsóknarfrestur er til og með 01.07.2019.

Laun eru samkvæmt kjarasamningi Félags starfsmanna Stjórnarráðsins og fjármála- og efnahagsráðherra f.h. ríkisins. Umsóknir geta gilt í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna um auglýsingar á lausum störfum, með síðari breytingum, nr. 464/1996.

Karlar jafnt sem konur eru hvött til að sækja um stöðuna. Tekið er mið af jafnréttisáætlun Stjórnarráðsins við ráðningar í störf hjá forsætisráðuneytinu. Öllum umsóknum verður svarað þegar ákvörðun um ráðningu liggur fyrir. 


Nánari upplýsingar veitir Óðinn Helgi Jónsson skrifstofustjóri skrifstofu fjármála og Eydís Eyjólfsdóttir mannauðsstjóri.

Forsætisráðuneytið
Skrifstofa fjármála
Stjórnarráðshúsið við Lækjargötu 
Sími 545 8400
101 Reykjavík
stjornarradid.is


Forsætisráðuneytinu, 12.06.2019

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira