Hoppa yfir valmynd
4. október 2019 Forsætisráðuneytið

Ríkisstjórnin samþykkir að leggja fram á Alþingi frumvarp um breytingu á þjóðlendulögum

Tjaldvatn á Landmannaafrétti - myndRegína Sigurðardóttir
Ríkisstjórnin samþykkti að frumvarp til laga um breytingu á lögum nr. 58/1998 um þjóðlendur verði lagt fram á Alþingi sem stjórnarfrumvarp á fundi sínum í morgun.

Helstu breytingar sem lagðar eru til í frumvarpinu lúta að því að leyfi fyrir nýtingu náma og annarra jarðefna verði felld undir leyfisveitingarhlutverk sveitarfélaga en þurfi staðfestingu forsætisráðuneytisins. Einnig er lagt til að lögfest verði ákvæði sem auki möguleika á að fá úrlausn óbyggðanefndar um eignarréttarlega stöðu svæða sem enn kann að leika vafi á um hvort eru háð beinum eignarrétti en hafa þó ekki áður sætt kröfum af hálfu ríkisins um þjóðlendur. Loks er lagt til að óbyggðanefnd verði heimilað að bæta viðbótarþrepi við málsmeðferð í tengslum við landsvæði utan strandlengju meginlandsins og almennings stöðuvatna, þannig að þeim sem telja sig eiga eignarréttindi verði í fyrstu gefið færi á að lýsa réttindum sínum við upphaf málsmeðferðar.

Verkefni óbyggðanefndar er langt komið og hefur nefndin lokið umfjöllun um rúmlega 88% af flatarmáli landsins. Áætlað er að nefndin ljúki störfum 2024. Í ljósi þeirrar reynslu sem fyrir liggur og fyrirsjáanlegra úrlausnarefna við verklok nefndarinnar er talið rétt að breyta málsmeðferðarreglum þjóðlendulaganna sem nefndin starfar eftir.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira