Hoppa yfir valmynd
7. nóvember 2019

Embætti skrifstofustjóra á skrifstofu lýðheilsu og forvarna

Embætti skrifstofustjóra á skrifstofu lýðheilsu og forvarna í heilbrigðisráðuneytinu 

Heilbrigðisráðuneytið auglýsir laust til umsóknar embætti skrifstofustjóra á skrifstofu lýðheilsu og forvarna. Heilbrigðisráðherra skipar í stöðuna til fimm ára frá 1. janúar 2020.

Helstu verkefni og ábyrgð
Undirbyggja stefnumarkandi ákvarðanir ráðherra og móta stefnu stjórnvalda á sviði lýðheilsu og forvarna. 
Stýra daglegum verkefnum og starfsfólki skrifstofunnar.
Yfirumsjón með verkefnum er varða lýðheilsu og forvarnir. 
Framkvæma stefnu stjórnvalda og fylgja henni eftir með gerð lagafrumvarpa og reglugerða.
Þátttaka í nefndarstörfum og innlendu og erlendu samstarfi. 
Samstarf við stofnanir og hagsmunaaðila sem starfa við forvarnir og lýðheilsu.

Hæfnikröfur
Háskólamenntun sem nýtist í starfi, framhaldsmenntun áskilin.
Þekking og reynsla á sviði rekstrar og stjórnunar. 
Þekking og reynsla á sviði opinberrar stjórnsýslu. 
Mjög góð hæfni í mannlegum samskiptum. 
Góð tölvukunnátta. 
Metnaður og vilji til að ná árangri. 
Frumkvæði og sjálfstæði í vinnubrögðum ásamt hæfni í verkefnastjórnun. 
Gott vald á íslensku og færni til að tjá sig í ræðu og riti. 
Góð kunnátta í ensku nauðsynleg og kunnátta í a.m.k. einu Norðurlandamáli æskileg. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Sérstök hæfnisnefnd, skipuð þremur einstaklingum, mun meta hæfni umsækjenda og skila greinargerð til heilbrigðisráðherra, sem skipar í starfið. Nefndin starfar skv. reglum nr. 393/2012 um ráðgefandi nefndir er meta hæfni umsækjenda um embætti við Stjórnarráð Íslands. Um embættið gilda lög nr. 115/2011 um Stjórnarráð Íslands og lög nr. 70/1996 um réttindi og skyldur starfsmanna ríkisins. 

Æskilegt er að umsækjandi geti hafið störf sem fyrst. Áhugasamir einstaklingar eru hvattir til að sækja um starfið óháð kyni.
Með umsókn skal fylgja ítarleg starfsferilskrá, og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfniskröfur.

Umsóknir skulu berast heilbrigðisráðuneytinu, Skógarhlíð 6, 105 Reykjavík eða í tölvupósti á póstfangið [email protected] 
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum með síðari breytingum.

Heimasíða heilbrigðisráðuneytisins

Starfshlutfall er 100%
Umsóknarfrestur er til og með 29.11.2019

Nánari upplýsingar veitir
Ásta Valdimarsdóttir - [email protected] - 5458700


Heilbrigðisráðuneyti  
Skógarhlíð 6
105 Reykjavík


 

 

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira