Sérfræðingur í viðskiptagreind (BI)
Sérfræðingur í viðskiptagreind (BI)
Seðlabanki Íslands óskar eftir að ráða metnaðarfullan og þjónustulundaðan einstakling í starf sérfræðings í viðskiptagreind (BI) á sviði upplýsingatækni. Um er að ræða 100% starfshlutfall með starfsstöð í Reykjavík. Upplýsingatækni annars þróun, rekstur og viðhald á tölvukerfum og hugbúnaði bankans.
Helstu verkefni og ábyrgð:
- Uppbygging á viðskiptagreindarumhverfi bankans
- Framsetning og úrvinnsla upplýsinga með þar til gerðum BI tólum
- Stuðningur við þarfagreiningu og hönnun
- Þjónusta við önnur svið bankans við notkun viðskiptagreindalausna
Hæfniskröfur:
- Háskólapróf í tölvunarfræði, verkfræði eða sambærileg menntun sem nýtist í starfi
- Þekking á SQL og gagnagrunnsforritun
- Gott vald á mæltu og rituðu máli, bæði íslensku og ensku
- Þekking á viðskiptagreind og uppbyggingu vöruhúsa er kostur
- Þekking á Agile aðferðarfræðum er kostur
- Hæfni til að starfa sjálfstætt og í hópi
- Frumkvæði, nákvæmni í vinnubrögðum og metnaður í starfi
- Jákvæðni, góðir samskiptahæfileikar og framúrskarandi þjónustulund
Aðrar upplýsingar:
Sótt er um starfið á heimasíðu Seðlabanka Íslands, www.sedlabanki.is/storf en umsóknarfrestur er til og með 25. nóvember 2019. Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.
Nánari upplýsingar um starfið veita Logi Ragnarsson, framkvæmdastjóri, netfang: [email protected] og Íris Guðrún Ragnarsdóttir, mannauðsstjóri, netfang: [email protected].