Hoppa yfir valmynd
2. desember 2019

Hjúkrunarfræðingur/ fjölbreytt dagvinnustörf

Hjúkrunarfræðingur/ fjölbreytt dagvinnustörf

Laus eru til umsóknar tvö dagvinnustörf á göngudeild 10E við Hringbraut. Annars vegar í meltingarteymi og innrennslismóttöku og hins vegar í brjóstateymi. Hér eru tækifæri fyrir framsækna og metnaðarfulla hjúkrunarfræðinga sem hafa áhuga á því að vinna í teymum en einnig sjálfstætt og af frumkvæði.

Í meltingarteyminu starfar öflugur hópur fagfólks sem vinnur af miklum áhuga á að bæta þjónustu við sjúklinga með langvinna meltingarsjúkdóma. Teymið sinnir hjúkrunarmóttöku og sérhæfðu eftirliti sjúklinga, auk þess að styðja við umönnun skjólstæðinga sinna ef þeir leggjast inn á deildir spítalans. Þá er hluti starfseminnar á innrennslismóttöku, þar sem m.a. eru gefin líftæknilyf við meltingarfærasjúkdómum. Starfið er því afar fjölbreytt og krefjandi og gefur mikla möguleika til starfsþróunar.

Í brjóstateyminu er einnig unnið í öflugum hópi fagfólks, en að þjónustu við fólk sem greinst hefur með brjóstamein eða er í áhættuhópi fyrir slíku. Þar er skjólstæðingum fylgt eftir í gegnum sjúkdóms- og aðgerðarferlið, frá greiningu til útskriftar eftir aðgerð. Hér er um að ræða margþætta þjónustu og öfluga starfsemi þar sem markmiðið er að skapa skjólstæðingum öryggi og markvissa og einstaklingsmiðaða nálgun. Starfið er því afar fjölbreytt og krefjandi og gefur mikla möguleika til starfsþróunar.

Á göngudeild 10E er afar fjölbreytt starfsemi nokkurra sérhæfðra teyma á sviði skurð- og lyflækninga og þar starfar öflugur hópur reyndra hjúkrunarfræðinga, af miklum metnaði fyrir þjónustu við sjúklinga, auk þess sem markvisst er unnið að umbótum og framþróun. Við tökum vel á móti nýju fólki og veitum góða einstaklingshæfða aðlögun.
Áhugasamir hafið samband við Erlu Dögg deildarstjóra. Ráðið er í starfið frá 1. janúar 2020 eða eftir nánara samkomulagi.

Helstu verkefni og ábyrgð
MELTINGARTEYMI:
» Ákveða, skipuleggja og veita hjúkrunarmeðferð í samráði við skjólstæðinga og bera ábyrgð á meðferð sjúklinga með sjúkdóma í meltingarfærum
» Lyfjagjafir lyftæknilyfja og stuðningur við sjúklinga með sjúkdóma í meltingarfærum
» Eftirfylgni og utanumhald með sjúklingum sem eru að greinast með sjúkdóma í meltingarfærum
» Þróun nýrra verkefna á göngudeild meltingarsjúklinga
» Þátttaka í þvegfaglegri teymisvinnu innan deildar og í samvinnu við legudeildir sérgreina

BRJÓSTATEYMI:
» Einstaklingsmiðuð hjúkrunarmeðferð og heildstæð þjónusta við sjúklinga með sjúkdóma í brjóstum
» Teymisvinna í greiningarferli, undirbúning fyrir aðgerð, fræðsla, ráðgjöf og eftirfylgd sjúklinga í gegnum sjúkdómsferlið
» Eftirlit og móttaka vegna íhluta eða sáraskiptinga
» Þróun ferla og nýrra verkefna á göngudeild brjóstasjúklinga
» Þátttaka í þverfaglegri teymisvinnu innan deildar og með öðrum deildum sem sinna þessum sjúklingahópi
» Þjónusta við sjúklinga í áhættuhópi vegna BRCA gens

Hæfnikröfur
» Faglegur metnaður og sjálfstæði í starfi
» Áhugi á að starfa í krefjandi og fjölbreyttu umhverfi
» Jákvætt viðmót og góðir samskiptahæfileikar
» Hæfni og geta til að starfa í teymi
» Starfsreynsla æskileg
» Íslenskt hjúkrunarleyfi 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 60000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 17.12.2019

Nánari upplýsingar veitir
Erla Dögg Ragnarsdóttir - [email protected] - 824 5875


Landspítali
Göngudeild, almenn
Hringbraut
101 Reykjavík


Smelltu hér til að sækja um starfið
 

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira