Hoppa yfir valmynd
26. janúar 2020 Mennta- og menningarmálaráðuneytið

Fé veitt til hönnunar menningarsalar á Selfossi

Sveitarfélagið Árborg hefur leitað eftir því að ríkið komi að fjármögnun vegna uppbyggingar menningarsalar á Selfossi. Salur í húsakynnum Hótels Selfoss, sem kostaður var af sveitarfélaginu á sínum tíma, hefur staðið ófullgerður í áratugi. Með ákvörðun ríkisstjórnar frá árinu 1999 var ákveðið að menningarhús á Suðurlandi yrði í Vestmannaeyjum en þar var menningarhúsið Eldheimar opnað árið 2014. Nú hefur verið ákveðið að veita 5 milljónum kr. til frekari hönnunar menningarsalarins á Selfossi.

Í viðræðum mennta- og menningarmálaráðuneytis við sveitarfélagið Árborg á undanförnum mánuðum hefur ítarlega verið farið yfir forsendur þarfagreiningar og kostnaðaráætlunar vegna salarins. Endurskoðuð þarfagreining gerir ráð fyrir nauðsynlegum breytingum, m.a. í anddyri, móttöku og frágangi utandyra og hljóðar uppfærð kostnaðaráætlun upp á 472 milljónir kr. og gerir ráð fyrir að framkvæmdir myndu taka um 2-3 ár. Fulltrúar sveitarstjórnar Árborgar hafa óskað eftir því að framlag ríkisins verði 60% líkt og við uppbyggingu menningarhúsa víða um landið.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira