Hoppa yfir valmynd
4. febrúar 2020 Heilbrigðisráðuneytið

Reglugerð til umsagnar: Viðurkenning á faglegri menntun og hæfi heilbrigðisstarfsfólks frá öðrum ríkjum EES

Aðgerð - myndStjórnarráðið /Hari

Birt hafa verið til umsagnar drög að nýrri reglugerð heilbrigðisráðherra sem varðar viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin helst í hendur við frumvarp ráðherra menntamála um breytingu á lögum nr. 26/2010 sem miðast við að leiða í lög öll nauðsynleg nýmæli tilskipunar Evrópusambandsins 2013/55/EB hvað þetta varðar.

Þótt frumvarp mennta- og menningarmálaráðherra sé enn til umfjöllunar á Alþingi telur heilbrigðisráðuneytið mikilvægt að birta drögin að meðfylgjandi reglugerð til umsagnar þannig að fagfélögum heilbrigðisstétta, menntastofnunum og heilbrigðisstofnunum gefist góður tími til að kynna sér efnið.

Helstu breytingar sem reglugerðardrögin fela í sér eru:

  • Upptaka evrópsks fagskírteinis (e. European Professional Card, EPC) fyrir einstakar starfsgreinar sem ætlað er að greiða fyrir för starfsmanna á innri markaðnum og auðvelda viðurkenningu á faglegri menntun.
  • Fyrirkomulag varðandi viðvaranir, en aðildarríkin eiga að tilkynna lögbærum yfirvöldum aðildarríkjanna þegar starfsréttindi eru takmörkuð í heild eða að hluta innan þriggja daga.
  • Starfsnámsnemendur eiga þess kost að fá viðurkennt vinnustaðanám innan löggiltra starfsgreina sem fer fram annars staðar en í heimalandinu.

 Reglugerðardrögin ásamt fylgiskjölum í samráðsgátt

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira