Hoppa yfir valmynd
8. febrúar 2020 Mennta- og menningarmálaráðuneytið

Mannauðsstjóri

Mennta- og menningarmálaráðuneytið - mynd
Mennta- og menningarmálaráðuneytið auglýsir eftir öflugum einstaklingi í starf mannauðsstjóra. Starf mannauðsstjóra er nýtt í ráðuneytinu og því viljum við ráða drífandi einstakling með skýra sýn, faglega þekkingu og reynslu.

Við leitum að einstaklingi sem býr yfir:

• Getu, vilja og þori til ákvarðanatöku.
• Frumkvæði og krafti til að hrinda hugmyndum í framkvæmd.
• Reynslu af mótun liðsheildar á vinnustað og góðrar vinnustaðamenningar.
• Skapandi hugsun, greiningarfærni og yfirvegun.
• Færni í rituðu og mæltu máli
• Leiðtogahæfileikum og getu til að hvetja aðra til árangurs.
• Þjónustulund og framúrskarandi hæfni í samskiptum.
• Háskólaprófi (meistaragráðu) sem nýtist í starfi
• Yfirgripsmikilli þekkingu og reynslu af mannauðsmálum.

Mannauðsstjóri vinnur náið með forstöðumönnum þeirra 52 stofnana sem undir ráðuneytið heyra og mun sinna ráðgjöf og aðstoð við þá auk stuðnings við stjórnendur ráðuneytisins. Mannauðsstjóri mun heyra undir skrifstofu ráðuneytisstjóra.

Verkefni og ábyrgðarsvið:
• Framkvæmd stjórnendastefnu ríkisins.
• Virkur stuðningur og ráðgjöf við forstöðumenn og stjórnendur.
• Réttindi og kjör forstöðumanna skv. lögum og reglum.
• Skipulagning og utanumhald ráðningaferla forstöðumanna.
• Skipulagning og utanumhald stjórnendasamtala.
• Leiðbeining, fræðsla og aðstoð við forstöðumenn.
• Þátttaka í verkefna – og umbótahópum eftir því sem við á.

Ráðning og kjör
Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.

Umsóknir
Umsóknir með ítarlegri starfsferilsskrá og kynningarbréfi þar sem gerð er grein fyrir ástæðu umsóknar og hvernig umsækjandi uppfyllir þær kröfur um menntun og hæfni sem gerðar eru skulu hafa borist á netfangið [email protected], fyrir dagslok mánudaginn 2. mars 2020, merktar „Mannauðsstjóri“.

Umsóknir geta gilt í sex mánuði frá því að umsóknarfrestur rennur út, sbr. reglur um auglýsingar á lausum störfum, nr. 464/1996. Öllum umsóknum verður svarað þegar ákvörðun um ráðningu liggur fyrir.

Starfshlutfal er 100%. Við ráðningar í störf hjá mennta- og menningarmálaráðuneyti er tekið mið af jafnréttisáætlun ráðuneytisins.

Umsóknir þar sem óskað er nafnleyndar eru ekki teknar til greina. Nánari upplýsingar um starfið veitir Anna María Urbancic rekstrarstjóri í mennta- og menningarmálaráðuneyti.

Umsóknarfrestur er til og með 2. mars 2020.

Um mennta- og menningarmálaráðuneyti
Mennta- og menningarmálaráðuneyti fer með málefni skóla, framhaldsfræðslu, námsaðstoð, vísindamála, safnamála, menningarminja, lista og menningar, höfundaréttar, íslenskra fræða, fjölmiðla, íþróttamála, æskulýðsmála, lögverndunar starfsheita, auk erlends samstarfs á sviði menntunar, menningar og vísinda. Hjá ráðuneytinu starfar ríflega 70 manna samhentur hópur með fjölbreytta menntun. Ráðuneytið er fjölskylduvænn vinnustaður.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira