Sérfræðingur í upplýsingatæknideild
Landhelgisgæsla Íslands - Sérfræðingur í upplýsingatæknideild
Landhelgisgæsla Íslands leitar að öflugum og metnaðarfullum einstaklingi í starf sérfræðings í upplýsingatæknideild. Verkefni upplýsingatæknideildar ná til allra starfsstöðva Landhelgisgæslunnar en dagleg starfsemi fer fram í Skógarhlíð og á öryggissvæðinu á Keflavíkurflugvelli.
Landhelgisgæsla Íslands er löggæslustofnun sem samkvæmt lögum er falið að gæta ytri landamæra og standa vörð um fullveldisrétt Íslands á hafsvæðinu kringum landið. Landhelgisgæslan sinnir meðal annars löggæslu, eftirliti, leit og björgun á hafi auk þess að annast daglega framkvæmd öryggis- og varnartengdra verkefna hér á landi samanber heimild í varnarmálalögum.
Hjá Landhelgisgæslunni starfar tæplega 200 manna samhentur hópur sem hefur að leiðarljósi slagorðið: Við erum til taks.
Gildi Landhelgisgæslunnar eru: Öryggi – Þjónusta - Fagmennska
Nánari upplýsingar um Landhelgisgæslu Íslands má finna á: www.lhg.is
Helstu verkefni:
• Vinna við tölvu- og netbúnað, þar með talið staðar- (LAN) og víðnetskerfi (WAN) Landhelgisgæslunnar
• Vinna við símkerfi, öryggis- og myndavélakerfi og fjarskiptakerfi
• Uppsetning og þjónusta vegna einmenningstölva, netþjóna, jaðartækja og hugbúnaðar
• Þátttaka í bakvaktarþjónustu gagnvart ofangreindum kerfum
Menntunar- og hæfniskröfur:
• Reynsla og menntun í kerfisstjórn, netrekstri og notendaaðstoð. Menntun í rafeindavirkjun er kostur
• Góðir samskiptahæfileikar, sjálfstæði og frumkvæði
• Þekking og reynsla af VMware
• Þekking og reynsla af uppsetningu og rekstri á Microsoft netþjónum og lausnum
• Reynsla af afritunarlausnum og góð vélbúnaðar-kunnátta á miðlægum búnaði
• Þekking og reynsla af Cisco netbúnaði, WIFI og símaumhverfi. CCNA gráða er kostur
• Microsoft gráða er kostur (MCTS/MCSA)
• Þekking á fjarskiptabúnaði skipa er kostur
• Þekking og reynsla af innleiðingu og tæknilegri umsjón öryggis- og myndavélaeftirlitskerfa er kostur
Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig þurfa viðkomandi að uppfylla skilyrði fyrir öryggisvottun samanber varnarmálalög nr. 34/2008 og reglugerð nr. 959/2012.
Launakjör eru samkvæmt kjarasamningi viðkomandi stéttarfélags og fjármálaráðherra f.h. ríkissjóðs.
Nánari upplýsingar veita Thelma Kristín Kvaran ([email protected]) og Torfi Markússon ([email protected]) í s: 511-1225. Umsóknarfrestur er til og með 2. mars 2020. Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Umsækjendur eru vinsamlegast beðnir að sækja um starfið á www.intellecta.is.