Hoppa yfir valmynd
20. maí 2020

Verkefnastjóri á rekstrardeild

Verkefnastjóri á rekstrardeild


Staða verkefnastjóra á rekstrardeild Sjúkrahúsins á Akureyri (SAk) er laus til umsóknar. Um er að ræða 100% stöðu.

Rekstrardeild er ein stoðdeilda SAk. Hlutverk deildarinnar er að tryggja sjúkrahúsinu rekstrarumhverfi með þjónustu á sviði fasteigna, innkaupa, vörustjórnunar og tækniþjónustu. Deildin annast viðhald fasteigna og tækja, sér um innkaup, gerð útboðslýsinga og samskipti við birgja ásamt umsjón og stýringu aðfanga. Rekstrardeild samanstendur af húsumsjón, saumastofu, tæknideild og vörulager.

Næsti yfirmaður er forstöðumaður rekstrardeildar. Hann gefur nánari upplýsingar í síma 463-0100 og/eða í tölvupósti [email protected]


Helstu verkefni og ábyrgð
Innkaup, innkaupagreiningar og eftirlit með samningum rekstrarvara.
Birgðastjórnun, samþætting og þróun núverandi kerfis.
Samskipti við birgja innlenda og erlenda. 
Þátttaka í útboðsvinnu og samningagerð tengt rekstrarvörum.
Greiningarvinna og skýrslugerð.
Verkefnastjórnun ýmissa verkefna rekstrardeildar í samráði við forstöðumann.
Umsjón með gæðavinnu deildar. 
Samskipti og samvinna við innkaupadeildir annarra stofnana. 
Samskipti og samvinna við aðrar deildir innan SAk.


Hæfnikröfur
Háskólamenntun sem nýtist í starfi.
Skipulagshæfileikar og markviss vinnubrögð.
Hæfni í mannlegum samskiptum og miðlun upplýsinga.
Frumkvæði og metnaður til að ná árangri í starfi.
Tölfræðiþekking og greiningarhæfni.
Æskileg reynsla og brennandi áhugi á vörustjórnun, innkaupum, samningagerð, verkefnastjórnun og gæðastarfi.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Eða eftir atvikum samkvæmt gildandi kjarasamningi sem fjármálaráðherra hefur gert við önnur stéttarfélög.
Umsóknum skal skilað rafrænt á vef sjúkrahússins www.sak.is
Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. 
Öllum umsóknum verður svarað þegar ákvörðun um ráðningu hefur verið tekin.
Gildi Sjúkrahússins á Akureyri eru: ÖRYGGI SAMVINNA FRAMSÆKNI. 
Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður.
Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir. 


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Gunnar Líndal Sigurðsson - [email protected] - 4630100
Hulda Sigríður Ringsted - [email protected] - 4630100



Sjúkrahúsið á Akureyri
Rekstrardeild
Eyrarlandsvegur
600 Akureyri



Smellið hér til að sækja um starf

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira