Aðjúnkt í viðskiptadeild
Aðjúnkt í viðskiptadeild
Laust er til umsóknar tímabundið fullt starf (100%) aðjúnkts í viðskiptafræði með áherslu á kennslu í greinum sem tengjast reikningsskilum, reikningshaldi og bókhaldi. Leitað er að viðskiptafræðingi með þekkingu á sviðinu. Staðan er veitt frá og með 1. ágúst 2020. Um ráðningu til eins árs er að ræða.
Helstu verkefni og ábyrgð
Helstu verkefni er kennsla í grunnnámi viðskiptafræði. Næsti yfirmaður er formaður Viðskiptadeildar. Starfsvettvangur er Háskólinn á Akureyri. Við Viðskiptadeild háskólans eru rúmlega 400 nemendur og fjórtán akademískir starfsmenn. Allt nám í viðskiptadeild er kennt í sveigjanlegu námi.
Hæfnikröfur
- Meistarapróf í viðskiptafræði.
- Reynsla af háskólakennslu.
- Góð samstarfshæfni og lipurð í mannlegum samskiptum ásamt góðri færni í að miðla þekkingu.
Umsókn skal fylgja:
- Greinargóð ferilskrá.
- Staðfest afrit af prófskírteinum.
-Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
- Tilgreina skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.
Við ráðningu verður miðað við, að sá er starfið hlýtur falli sem best að aðstæðum og þörfum Viðskiptadeildar Háskólans á Akureyri.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri. nr. 387/2009. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.
Háskólinn á Akureyri hefur hlotið jafnlaunavottun og hvetur konur jafnt sem karla til að sækja um laus störf.
Starfshlutfall er 100%
Umsóknarfrestur er til og með 12.06.2020
Nánari upplýsingar veitir
Grétar Þór Eyþórsson - [email protected], starfandi deildarformaður viðskiptadeildar - 4608627
Rannveig Björnsdóttir - [email protected], forseti viðskipta- og raunvísindasviðs - 4608515
Háskólinn á Akureyri
Viðskipta- og raunvísindasvið
Norðurslóð 2
600 Akureyri
Smellið hér til að sækja um starf