Lausar stöður við Fjölbrautaskóla Suðurnesja
Lausar stöður við Fjölbrautaskóla Suðurnesja
Við Fjölbrautaskóla Suðurnesja eru eftirfarandi kennarastöður lausar til umsóknar næsta skólaár. Ráðningartími er frá 1. ágúst 2020.
Málmsuða – heil staða
Hjúkrunargreinar - heil staða
Tölvugreinar – forritun – heil staða
Ekki þarf að sækja um á sérstöku umsóknareyðublaði en umsókn með upplýsingum um menntun (ljósrit af prófskírteini fylgi) og starfsreynslu skal skila í tölvupósti til skólameistara á netfangið [email protected] eigi síðar en 15. júní 2020.
Leitað er að framhaldsskólakennara með menntun í viðkomandi fagi, meistararéttindi í vélvirkjun, íslenskt hjúkrunarleyfi til kennslu í hjúkrunargreinum og BSc próf í tölvunarfræði til kennslu í tölvugreinum. Laun eru samkvæmt kjarasamningi ríkissjóðs og KÍ skv. nánari útfærslu í stofnanasamningi skólans.
Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. Sakavottorð fylgi umsókn.
Nánari upplýsingar má fá í síma 421-3100 eða í tölvupósti hjá Kristjáni Ásmundssyni skólameistara, [email protected] og Guðlaugu Pálsdóttur aðstoðarskólameistara, [email protected]. Öllum umsóknum verður svarað eftir að ákvörðun um ráðningu hefur verið tekin.
Á heimasíðu skólans, www.fss.is, má finna frekari upplýsingar og sjá myndir úr skólalífinu.
Skólameistari