Stuðningsfulltrúi
Stuðningsfulltrúi Fjölbrautaskóli Suðurnesja
Óskum eftir að ráða stuðningsfulltrúa í fullt starf við Fjölbrautaskóla Suðurnesja næsta skólaár. Starfið felur í sér að aðstoða nemendur skólans sem hafa táknmál að móðurmáli. Umsækjendur þurfa að hafa gott vald á táknmáli auk þess að vera liprir í mannlegum samskiptum og hafa gaman af að umgangast og vinna með ungu fólki. Vinnutími er á starfstíma skólans.
Umsókn með upplýsingum um menntun og starfsreynslu sem máli skiptir, skal skila í tölvupósti til skólameistara á netfangið [email protected] eigi síðar en 20. júlí 2020.
Laun samkvæmt kjarasamningi ríkissjóðs við Sameyki með nánari útfærslu í stofnanasamningi skólans.
Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga.
Hægt er að óska eftir nánari upplýsingum með því að senda tölvupóst á Kristján Ásmundsson skólameistara, [email protected] eða Guðlaugu Pálsdóttur aðstoðarskólameistara, [email protected]. Öllum umsóknum verður svarað eftir að ákvörðun um ráðningu hefur verið tekin.
Á heimasíðu skólans, www.fss.is, má finna frekari upplýsingar og sjá myndir úr skólalífinu.
Skólameistari