Heilbrigðisritari/ skrifstofumaður
Heilbrigðisritari/ skrifstofumaður í móttöku bráðamóttöku Landspítala
Heilbrigðisritari/ skrifstofumaður óskast til starfa í móttöku bráðamóttöku í Fossvogi. Bráðamóttaka Landspítala sinnir móttöku bráðveikra og slasaðra og er opin allan sólarhringinn. Unnið er á þrískiptum vöktum.
Við viljum ráða 3 jákvæða og þjónustulipra einstaklinga með góða samskiptahæfni sem eru tilbúnir að vinna undir álagi. Í boði eru spennandi störf í krefjandi og líflegu starfsumhverfi og góður starfsandi. Störfin eru laus 1. september 2020 eða samkvæmt nánara samkomulagi.
Helstu verkefni og ábyrgð
» Almenn og sérhæfð ritarastörf, s.s. móttaka sjúklinga, tímabókanir, símsvörun, upplýsingagjöf, útvegun og frágangur gagna og gagnavinnsla í tölvukerfi Landspítala
» Þjónusta við skjólstæðinga, aðstandendur og samstarfsfólk
» Ábyrgð á daglegum viðfangsefnum deildar samkvæmt verklagi
» Önnur tilfallandi verkefni í samráði við deildarstjóra
Hæfnikröfur
» Heilbrigðisritaranám, stúdentspróf eða annað sambærilegt nám
» Jákvætt viðmót, þjónustulipurð og samskiptahæfni
» Frumkvæði og sjálfstæði í starfi
» Skipulögð vinnubrögð og geta til vinna undir álagi
» Góð tölvukunnátta er nauðsynleg
» Góð íslensku- og enskukunnátta
» Reynsla af ritarastörfum og þekking á Sögukerfi Landspítala er æskileg en ekki skilyrði
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Tekið er mið af jafnréttisstefnu Landspítala við ráðningar á spítalanum.
Umsókn fylgi náms- og starfsferilskrá. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 70 - 100%
Umsóknarfrestur er til og með 11.08.2020
Nánari upplýsingar veitir
Helga Rósa Másdóttir - [email protected] - 825 5167
Zineta Pidzo - [email protected] - 824 5925
Landspítali
Móttaka bráðamóttöku
Fossvogi
108 Reykjavík