Hoppa yfir valmynd
8. september 2020 Umhverfis- og auðlindaráðuneytið

Tilnefningar til umhverfisverðlauna Norðurlandaráðs kynntar

Býflugabóndi, ferðaþjónustufyrirtæki,  Samtök lífrænna landbúnaðarsamtaka á Norðurlöndum og loftslagsfræðingur eru meðal þeirra sem tilnefndir eru til umhverfisverðlauna Norðurlandaráðs í ár. Þemað að þessu sinni er vistfræðilegur fjölbreytileiki lands og sjávar sem er í takt við 14. og 15. heimsmarkmið Sameinuðu þjóðanna.

Elva Rakel Jónsdóttur, formaður dómnefndar, segir fleiri tilnefningar hafa borist dómnefndinni í ár en undanfarið. Erfitt hafi verið að fækka tilnefningum niður í eina frá hverju landi þar sem Norðurlöndin séu rík af fólki,  fræðimönnum, samtökum og fyrirtækjum sem láti sig vistfræðilega fjölbreytni varða.

Hefð hefur verið fyrir því að tilnefningar til verðlaunanna séu kynntar á Lýsu, rokkhátíð samtalsins, en vegna COVID-19 kórónuveirufaraldursins fór kynningin að þessu sinni fram á netinu.

Tilnefningu hljóta:

Noregur

Dag O. Hessen, prófessor í líffræði við Oslóarháskóla og yfirmaður CBA miðstöðvarinnar, fyrir rannsóknir og miðlun upplýsinga um loftslags- og umhverfismál.

 

Ísland

Borea Adventures. Sjálfbær ferðaþjónusta sem leggur sitt að mörkum til að vernda refastofninn á Hornströndum.

 

Færeyjar

Rithöfundurinn Jens-Kjeld Jensen fyrir skrif sín um líffræðilega fjölbreytni Færeyja.

 

Finnland

YLE herferðin „Björgum býflugunum“.

 

Danmörk

Lystbækgaard  fyrir verndun strandheiðarinnar, landslags sem er í hættu á að hverfa.

 

Álandseyjar

Býflugnabóndinn Torbjörn Eckerman fyrir starf sitt við að halda Álandseyjabýflugum lausum við varroa sníkjumítilinn.

 

Svíþjóð

Samtök lífrænna landbúnaðarsamtaka á Norðurlöndum

Verðlaunin verða afhent 27. október.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira