Hoppa yfir valmynd
15. september 2020

Löglærður aðstoðarmaður dómara

Löglærður aðstoðarmaður dómara


Við Héraðsdóm Reykjavíkur eru lausar tvær stöður löglærðra aðstoðarmanna dómara. Um er að ræða starf á grundvelli 32. gr. laga nr. 50/2016 um dómstóla. Til aðstoðar dómurum eru ráðnir lögfræðingar sem fullnægja skilyrðum 2.-6. tölul. 2. mgr. 29. gr. sömu laga og starfa þeir á ábyrgð dómstjóra. 
Löglærður aðstoðarmaður dómara tilheyrir teymi aðstoðarmanna sem vinnur með dómurum, dómriturum og öðru starfsfólki dómstólsins að því að tryggja réttláta og faglega málsmeðferð. 


Helstu verkefni og ábyrgð
Ráðið er í starf löglærðs aðstoðarmanns til 5 ára í senn og á því tímabili fær viðkomandi tækifæri til að kynnast fjölbreyttum verkefnum innan dómstólsins s.s.:
- Meðferð útivistarmála.
- Áritun sektarboða og aðfararbeiðna.
- Umsjón með reglulegu dómþingi í einkamálum, gjaldþrotamálum og sakamálum.
- Ritun úrskurða sé vörnum ekki haldið uppi.
- Meðferð sifjamála og vitnamála.
- Aðstoð við samningu dóma og úrskurða í almennum einkamálum og ágreiningsmálum.


Hæfnikröfur
Löglærður aðstoðarmaður dómara þarf að hafa lokið embættisprófi eða grunnnámi ásamt meistaraprófi í lögum og uppfylla hæfisskilyrði sem sett eru fram í ofangreindum lögum. Auk þess krefst starfið eftirfarandi hæfni:
- Öguð, sjálfstæð og skipulögð vinnubrögð.
- Vönduð framkoma og lipurð í mannlegum samskiptum.
- Drifkraftur og frumkvæði.
- Samstarfshæfni.
- Góð almenn tölvukunnátta.
- Mjög gott vald á íslensku og færni til að tjá sig í ræðu og riti.

Æskilegt er að viðkomandi hafi reynslu af störfum innan dómskerfisins og/eða haldbæra reynslu af lögfræðistörfum.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.
Æskilegt er að umsækjandi geti hafið störf eigi síðar en 1. desember 2020. 

Umsókn þarf að fylgja ferilskrá með ítarlegum upplýsingum um menntun, fyrri störf, umsagnaraðila og annað sem máli skiptir. Mat á hæfni umsækjenda byggist á innsendum gögnum og viðtölum við umsækjendur. 

Tekið er mið af jafnréttisstefnu Héraðsdóms Reykjavíkur við ráðningu í starfið og er fólk hvatt til að sækja um óháð kyni. 

Gerð er krafa um að umsækjendur séu með hreint sakavottorð. Umsækjandi kann að verða beðinn um að skila sakavottorði í ráðningarferlinu. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá dómstólnum. 

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í allt að 6 mánuði frá því að umsóknarfrestur rennur út. 

Um Héraðsdóm Reykjavíkur
Héraðsdómur Reykjavíkur er einn 8 héraðsdómstóla landsins. Hann er með aðsetur við Lækjartorg í Reykjavík. Meðal verkefna dómstólsins er að leysa úr öllum þeim sakamálum og einkamálum sem til hans er beint. Úrlausnum hans verður skotið til áfrýjunardómstigs. Hjá dómstólnum starfa um 50 starfsmenn, sem eru héraðsdómarar, löglærðir aðstoðarmenn, dómritarar og annað starfsfólk. Nánari upplýsingar um starfsemi héraðsdómstólanna má finna á vef dómstólanna www.domstolar.is

Starfshlutfall er 100%
Umsóknarfrestur er til og með 01.10.2020


Nánari upplýsingar veitir
Barbara Björnsdóttir - [email protected] - 4325200



Héraðsdómur Reykjavíkur



Smellið hér til að sækja um starf

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira