Hoppa yfir valmynd
30. desember 2020 Heilbrigðisráðuneytið

Samningur um byggingu 64 rýma hjúkrunarheimilis við Boðaþing í Kópavogi

Boðaþing í Kopavogi - myndMynd: Hrafnista

Svandís Svavarsdóttir heilbrigðisráðherra og Ármann Kristinn Ólafsson, bæjarstjóri í Kópavogi, hafa undirritað samning sem kveður á um byggingu hjúkrunarheimilis í Kópavogi fyrir 64 íbúa. Heimilið mun rísa á lóð Kópavogsbæjar við Boðaþing og verður samtengt við þjónustumiðstöð og 44 rýma hjúkrunarheimili sem þegar er á lóðinni. Áætlaður heildarkostnaður við framkvæmdina eru rúmir 3 milljarðar króna. Ríkið greiðir 85% kostnaðarins og sveitarfélagið 15%.

Á næstunni hefst vinna að gerð kröfu- og tæknilýsingar fyrir alútboð á framkvæmdinni. Gert er ráð fyrir að verklegar framkvæmdir hefjist í byrjun árs 2022 og að heimilið verði tilbúið til notkunar á fyrsta fjórðungi ársins 2024.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira