Hoppa yfir valmynd
2. mars 2021 Samgöngu- og sveitarstjórnarráðuneytið

Breytingar á reglugerð um bókhald, fjárhagsáætlanir og ársreikninga sveitarfélaga

Samgöngu- og sveitarstjórnarráðherra hefur undirritað reglugerð um breytingu á reglugerð nr. 1212/2015 um bókhald, fjárhagsáætlanir og ársreikninga sveitarfélaga og hefur hún tekið gildi. Breytingar á reglugerðinni eru tvíþættar.

Annars vegar er um að ræða breytingu á 3. mgr. 20. gr. reglugerðarinnar sem fjallar um reikningsskil sveitarfélaga. Samkvæmt fyrra ákvæði voru byggðasamlög, sem falla undir B-hluta, meðhöndluð á sama hátt og fyrirtæki sveitarfélags og bar sveitarfélagi því ekki að telja byggðasamlag, sem ekki er í meirihluta eigu þess, til eigna eða skulda í reikningsskilum samstæðu. Samkvæmt núgildandi ákvæði skulu byggðasamlög, sameignarfyrirtæki, sameignarfélög og önnur félagaform sem eru með ótakmarkaðri ábyrgð sveitarfélags, færð inn í samantekin reikningsskil sveitarfélags miðað við hlutfallslega ábyrgð og skal hlutdeild sveitarfélagsins færð inn í einstökum liðum rekstar og efnahags, óháð stærð eignarhluta.

Hins vegar voru gerðar eftirfarandi uppfærslur á fylgiskjölum I og II-D við reglugerðina:

  • Bókhaldslyklar endurskoðaðir með tilliti til nýrra laga um þjónustu við fatlað fólk með langvarandi stuðningsþarfir, nr. 38/2018, og laga um húsnæðisbætur, nr. 75/2016.
  • Ítarlegri leiðbeiningar við ýmsa lykla og undirlykla, t.a.m. varðandi fræðslumál, þjónustu við börn og unglinga og þjónustu við aldraða.
  • Umfjöllun um samrekstur skólastiga bætt við fylgiskjal I, sbr. lög um leikskóla, nr. 90/2008, og lög um grunnskóla, nr. 91/2008.
  • Hugað að uppsetningu og innri samræmingu fylgiskjals I.
  • Bætt við upplýsingum í fylgiskjal II-D um sjóðstreymi reikningsskila sveitarfélaga þar sem sérstaklega skal gera grein fyrir byggingarrétti, gatnagerðargjaldi, fjárfestingu í íbúðarhúsnæði og sölu íbúðarhúsnæðis.

Hægt er að skoða samanburð á eldra og nýrra fylgiskjali I hér.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira