Aðgerðaáætlun um listir og menningu
Aðgerðaáætlunin var mótuð í mennta- og menningarmálaráðuneyti á árunum 2018-2021. Hún var unnin í samvinnu við fjölbreyttan hóp fólks úr menningargeiranum og listalífinu, auk þess sem ráðstefnur voru haldnar og fundir með forstöðumönnum menningarstofnana. Þá setti Lilja Alfreðsdóttir mennta- og menningarmálaráðherra, á laggirnar fjölmennan starfshóp forystufólks úr listalífinu til að rýna verkefnið og tillögur sem fram höfðu komið. Aðgerðaáætlunin hefur verið kynnt í ríkisstjórn, sem lýsti yfir stuðningi sínum við hana.
„Fjölbreytt menningarlíf er lykillinn að almennri velsæld og stuðlar að jöfnuði og lífsfyllingu í samfélaginu. Þetta er metnaðarfull áætlun og það er brýnt að hún nái fram að ganga. Fjölbreytt menningarstarfsemi er líka lykilþáttur í atvinnulífi þjóðarinnar og hefur víðtæk áhrif í efnahagslegu tilliti, m.a. í öðrum atvinnugreinum líkt og ferðaþjónustu, hugvits- og tæknigreinum, menntun og þjónustu. Ég hlakka til að sjá þessar tillögur raungerast á næstu árum,“ segir Lilja Alfreðsdóttur.
Aðgerðaáætlunina í heild má sjá hér.