Auglýst eftir umsóknum í Lýðheilsusjóð

Opnað hefur verið fyrir umsóknir um styrki úr lýðheilsusjóði fyrir árið 2022. Umsóknarfrestur er til 15. nóvember næstkomandi. Lýðheilsusjóður er starfræktur í samræmi við lög um landlækni og lýðheilsu og hefur það hlutverk að styrkja forvarna- og lýðheilsustarf í landinu í samræmi við markmið laganna.

Að þessu sinni verður áhersla lögð á styrki til aðgerða sem miða að því að efla geðheilsu og félagsfærni, aðgerðir sem miða að heilbrigðu mataræði, svefni og hreyfingu, verkefni sem tengjast áfengis- vímu- og tóbaksvörnum, verkefni sem tengjast kynheilbrigði og verkefni sem beinast að minnihlutahópum til að stuðla að jöfnuði og heilsu.

• Nánari upplýsingar á vef embættis landlæknis