Hoppa yfir valmynd
25. október 2021 Forsætisráðuneytið

Forsætisráðherra ávarpaði alþjóðlega jarðhitaráðstefnu í Hörpu

Katrín Jakobsdóttir forsætisráðherra flutti í morgun ávarp við opnun alþjóðlegu jarðhitaráðstefnunnar World Geothermal Congress sem fram fer í Hörpu. Um er að ræða stærstu alþjóðlegu jarðhitaráðstefnu heims en hún er haldin á fimm ára fresti.

Í ávarpi sínu ræddi forsætisráðherra sérstaklega um markmið Íslands í loftslagamálum, um samdrátt í losun gróðurhúsalofttegunda, kolefnishlutleysi og að Ísland verði óháð jarðefnaeldsneyti. Þá rakti forsætisráðherra langa sögu nýtingar jarðhita á Íslandi en hún nær raunar allt aftur til landnáms. Íslendingar hafi fyrr á öldum nýtt jarðhita til baða og þvotta en nýtingarmöguleikarnir nú eru miklu fleiri og í sífelldri þróun.

Spennandi þróun sé nú að eiga sér stað varðandi skilvirka nýtingu jarðhita, t.d. í grænum iðngörðum þar sem áhersla er lögð á hringrásarhagkerfið og í bindingu kolefnis í berg. Slík þróun geti skipt sköpum fyrir aðgerðir stjórnvalda gegn loftslagsvánni.

Ávarp forsætisráðherra

Heimsmarkmiðin

7. Sjálfbær orka
13. Aðgerðir í loftslagsmálum

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira