Hjálparlið almannavarna – nýr samningur
DMRSamkomulagið er gert á grundvelli almannavarnalaga og tryggir sem fyrr aðkomu sjálfboðaliða Rauða krossins og Slysavarnafélagsins Landsbjargar að almannavarnaviðbragði landsins. Að undirritun lokinni staðfesti dómsmálaráðherra samkomulagið.
Við sama tækifæri voru undirritaðir sérsamningar ríkislögreglustjóra við félögin bæði. Samkvæmt samningnum gerir Ríkislögreglustjóri sérstakt samkomulag við Rauða krossinn á Íslandi um hlutverk og verkefni Rauða krossins í heildarskipulagi vegna almannavarna á hættu- og neyðartímum og þjálfun og fræðslu vegna þeirra verkefna.
Að sama skapi er gert sérstakt samkomulag við Slysavarnafélagið Landsbjörg um hlutverk og verkefni björgunarsveita og slysavarnadeilda, landsstjórnar björgunarsveita og svæðisstjórna í almannavarnaaðgerðum á hættu- og neyðartímum sem og þjálfun og fræðslu vegna þeirra verkefna.
Framlag Rauða krossins á Íslandi og Slysavarnafélagsins Landsbjargar er, eins og dæmin sanna, almannavörnum og samfélaginu öllu ómetanlegur stuðningur.