Hoppa yfir valmynd
29. nóvember 2021 Atvinnuvega- og nýsköpunarráðuneytið

Svandís Svavarsdóttir tekin við af Kristjáni Þór Júlíussyni

Ráðherraskipti urðu í atvinnuvega- og nýsköpunarráðuneytinu þegar Svandís Svavarsdóttir tók við embætti sjávarútvegs- og landbúnaðarráðherra af Kristjáni Þór Júlíussyni.

Í nýjum stjórnarsáttmála ríkisstjórnarinnar er fjallað ítarlega um sjávarútvegs- og landbúnaðarmál. Þar eru meðal annars sett fram metnaðarfull markmið um að auka hlutfall hollra og næringarríkra matvæla á grundvelli öflugrar innlendrar matvælaframleiðslu. Einnig er fjallað um mikilvægi grænna skrefa í sjávarútvegi og að móta þurfi heildstæða stefnu um uppbyggingu, umgjörð og gjaldtöku í fiskeldi. Þá sé mikilvægt að huga og hlúa að nýsköpun og framþróun á neytendamarkaði.

„Matvælaframleiðsla, landbúnaður og sjávarútvegurinn eiga sér djúpar rætur í samfélaginu og hafa jafnframt mikið fram að sækja þegar við horfum til nýsköpunar og þróunar en einnig loftslagsmála,“ segir Svandís. „Verkefnin eru áhugaverð og spennandi og nú er að bretta upp ermarnar og fara í það sem framundan er.“

Efnisorð

Heimsmarkmiðin

17. Samvinna um markmiðin
13. Aðgerðir í loftslagsmálum
15. Líf á landi
14. Líf í vatni
9. Nýsköpun og uppbygging
8. Góð atvinna og hagvöxtur
2. Ekkert hungur

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira