Hoppa yfir valmynd
8. apríl 2022 Heilbrigðisráðuneytið

Heilbrigðisráðherra heimsækir Heilbrigðisstofnun Suðurnesja

Ný röntgendeild opnar við Heilbrigðisstofnun Suðurnesja - mynd

Heilbrigðisráðherra var í gær viðstaddur opnun nýrrar röntgendeildar á Heilbrigðisstofnun Suðurnesja. Röntgendeildin er fyrsti áfangi tengdur endurbótum á nýrri aðstöðu bráðamóttöku stofnunarinnar. Mikið hagræði verður fyrir starfsfólk og þjónustunotendur af staðsetningu nýrrar röntgendeildarinnar við hlið nýrrar aðstöðu bráðamóttöku. Nýtt röntgentæki auðveldar einnig vinnu starfsfólks og auk þess er von á nýju segulómunartæki sem nú er í útboðsferli með innkaupum fleiri heilbrigðisstofnanna á landinu á segulómunartækjum. Ný tækni mun jafnframt draga úr þörf fyrir að þjónustunotendur þurfi að sækja myndgreiningarþjónustu til Reykjavíkur.

Ráðherra skoðaði einnig framkvæmdir við nýja 19 rúma endurhæfingardeild og dagdeild sem tekin verður í notkun seinna á þessu ári.

  • Ný röntgendeild opnuð við Heilbrigðisstofnun Suðurnesja

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira