Hoppa yfir valmynd
1. júní 2022 Matvælaráðuneytið

Matvælaráðaherra skipar starfshóp vegna smitvarna og sjúkdóma í laxeldi

Matvælaráðaherra skipar starfshóp vegna smitvarna og sjúkdóma í laxeldi - myndiStock/eugenesergeev

Svandís Svavarsdóttir, matvælaráðherra, hefur ákveðið að skipa starfshóp til að skoða smitvarnir og sjúkdóma í fiskeldi og vinna að tillögum um breytingar ef þörf þykir. Hópnum verður falið að yfirfara lög og reglugerðir um laxeldi og framkvæmd á þeim. 

 

Fulltrúi matvælaráðuneytisins mun leiða vinnunna en ráðherra mun óska eftir tilnefningum frá Matvælastofnun, Hafrannsóknastofnun, Tilraunastöð Háskóla Íslands að Keldum og mögulega óháðum erlendum sérfræðingi.

 

Lögð er áhersla á að hópurinn skoði meðal annars hvernig laxeldi fer fram í Færeyjum en þar eru fyrirtæki með hvert svæði einangrað og aðeins ein kynslóð laxa alin upp hverju sinni. Einnig eru miklar takmarkanir hafðar á samgangi á milli eldissvæða í Færeyjum.

Einnig þykir ástæða til að athuga mögulegan ávinning af því að koma á bólusetningarskyldu gagnvart ISA-veirunni sem er orsök blóðþorra.

„Nú hefur blóðþorri verið staðfestur í öllum kvíum í Reyðarfirði og grunur er á smiti víðar. Það verður að grípa til allra hugsanlegra leiða til að koma í veg fyrir að slíkt endurtaki sig. Náttúra Íslands er okkar fjöregg og okkar skylda að vernda hana sem best við getum“ segir Svandís Svavarsdóttir matvælaráðherra.

Efnisorð

Heimsmarkmiðin

12. Ábyrð neysla og framleiðsla
17. Samvinna um markmiðin
14. Líf í vatni

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira