Hoppa yfir valmynd
24. júní 2022 Dómsmálaráðuneytið

Kristinn Halldórsson skipaður dómari við Landsrétt

Dómsmálaráðherra hefur ákveðið að gera tillögu til forseta Íslands um skipun Kristins Halldórssonar, dómstjóra Héraðsdóms Reykjaness, í embætti dómara við Landsrétt frá 22. september 2022.

Kristinn Halldórsson lauk embættisprófi í lögfræði frá Háskóla Íslands árið 1997 og öðlaðist réttindi sem héraðsdómslögmaður árið 2011. Að loknu laganámi starfaði hann sem fulltrúi sýslumannsins á Blönduósi en hóf störf sem aðstoðarmaður dómara við Héraðsdóm Norðurlands eystra árið 1999 og síðar sem aðstoðarmaður dómara við Héraðsdóm Vesturlands árið 2004. Á starfstíma sínum sem aðstoðarmaður héraðsdómara var hann jafnframt í nokkur skipti settur sem héraðsdómari við framangreinda dómstóla. Kristinn var skipaður héraðsdómari og dómstjóri við Héraðsdóm Vestfjarða í september 2007 og því embætti gegndi hann fram til haustsins 2013 er hann hóf störf sem héraðsdómari við Héraðsdóm Reykjaness. Þar hefur hann verið dómstjóri frá september 2020. Kristinn var settur sem dómari við Landsrétt frá 8. apríl – 30. júní 2022 og hefur að auki nokkrum sinnum tekið sæti sem varadómari við þann dómstól.

 

 

 

 

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira