Hoppa yfir valmynd
24. ágúst 2022 Heilbrigðisráðuneytið

Samningur um nýbyggingu endurhæfingar við Grensás

Frá undirritun samnings um fullnaðarhönnun viðbyggingar við Grensás - myndHeilbrigðisráðuneytið

Heilbrigðisráðherra undirritaði í gær samning Nýs Landspítala ohf. við Nordic Office of Architecture og EFLU verkfræðistofu um fullnaðarhönnun 3.800 fermetra viðbyggingar við endurhæfingardeild Grensáss. Ráðherra segir þetta enn einn ánægjulegan áfanga í uppbyggingu betra húsnæðis fyrir Landspítala, sjúklinga og starfsfólk Grensáss og þá mikilvægu starfsemi sem þar fer fram. Gert er ráð fyrir að hönnunarferlið taki um það bil eitt ár og að því loknu verði unnt að hefja verklegar framkvæmdir.

Nordic Office of Architecture og EFLA urðu hlutskörpust í útboði vegna fullnaðarhönnunarinnar þar sem byggt var á matslíkani og verði. Nýbyggingin mun rísa vestan við núverandi aðalbyggingu endurhæfingardeildarinnar. Með henni munu aðstæður til endurhæfingar gjörbreytast og endurhæfingarrýmum fjölga. Á undanförnum tveimur áratugum hafa orðið miklar breytingar á endurhæfingarstarfsemi í ljósi framfara í meðferð alvarlegra sjúkdóma og áverka. Þannig hefur þeim fjölgað mikið sem nú lifa með fötlun af völdum sjúkdóma og slysa og þörf fyrir öfluga og góða endurhæfingu fer vaxandi.

Fjölmenni var við undirritun samningsins og gleðin lá í loftinu yfir þessum tímamótum. Heilbrigðisráðherra færði þakkir þeim fjölmörgu sem sýnt hafa í verki öflugan stuðning við starfsemi Grensáss og nefndi sérstaklega Hollvinasamtök Grensáss sem hafa frá stofnun samtakanna árið 2006 reynst starfseminni ómetanlegur bakhjarl.

Samninginn undirrituðu Willum Þór Þórsson heilbrigðisráðherra fyrir hönd Nýs Landspítala ohf.,  Hallgrímur Þór Sigurðsson fyrir hönd Nordic Office of Architecture og Ólafur Ágúst Ingason fyrir hönd EFLU. Vottar að undirskrift voru Guðrún Pétursdóttir formaður stjórnar Hollvina Grensáss og Runólfur Pálsson, forstjóri Landspítala.

  • Samningur um nýbyggingu endurhæfingar við Grensás - mynd úr myndasafni númer 1
  • Frá undirritun samnings um fullnaðarhönnun viðbyggingar við Grensás - mynd
  • Samningur um nýbyggingu endurhæfingar við Grensás - mynd úr myndasafni númer 3
  • Samningur um nýbyggingu endurhæfingar við Grensás - mynd úr myndasafni númer 4
  • Samningur um nýbyggingu endurhæfingar við Grensás - mynd úr myndasafni númer 5
  • Samningur um nýbyggingu endurhæfingar við Grensás - mynd úr myndasafni númer 6
  • Samningur um nýbyggingu endurhæfingar við Grensás - mynd úr myndasafni númer 7
  • Samningur um nýbyggingu endurhæfingar við Grensás - mynd úr myndasafni númer 8
  • Samningur um nýbyggingu endurhæfingar við Grensás - mynd úr myndasafni númer 9

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum