Hoppa yfir valmynd
1. september 2022 Innviðaráðuneytið

Ólafur Árnason settur forstjóri Skipulagsstofnunar

Ólafur Árnason. - mynd

Sigurður Ingi Jóhannsson, innviðaráðherra hefur sett Ólaf Árnason, forstöðumann nýsköpunar og þróunar hjá Skipulagsstofnun, í embætti forstjóra stofnunarinnar frá 1. september til 31. desember 2022.

Ólafur er með meistaragráðu í umhverfismati, umhverfisstjórnun og skipulagsmálum frá Oxford Brookes háskóla og MPM gráðu í verkefnisstjórnun frá Háskólanum í Reykjavík. Ólafur hefur starfað að skipulagsmálum og umhverfismati síðustu tvo áratugi innan stjórnsýslunnar, við ráðgjöf, kennslu og rannsóknir. Síðastliðin tvö ár hefur Ólafur starfað sem forstöðumaður nýsköpunar og þróunar hjá Skipulagsstofnun og staðgengill forstjóra.

Ásdís Hlökk Theodórsdóttir lét af störfum hjá stofnuninni 1. september eftir að hafa sinnt embætti forstjóra Skipulagsstofnunar frá árinu 2013.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira