Hoppa yfir valmynd
9. nóvember 2022 Umhverfis-٫ orku- og loftslagsráðuneytið

Kynning á skýrslu um stöðu og áskoranir friðlýstra svæða - beint streymi

 

Guðlaugur Þór Þórðarson, umhverfis-, orku- og loftslagsráðherra, skipaði síðastliðið vor þriggja manna starfshóp sem fékk það hlutverk að vinna skýrslu sem varpa á ljósi á stöðu friðlýstra svæða á Íslandi og áskoranir sem þeim fylgja.

Starfshópurinn hefur skilað ráðherra skýrslu sinni og eru niðurstöður hennar kynntar í dag. Hægt er að fylgjast með kynningunni í beinu streymi á vef Stjórnarráðsins.

Í skýrslunni eru helstu niðurstöður dregnar saman í svokallaða lykilþætti auk gagnlegra upplýsinga um stöðu málaflokksins. Mikilvægur lykilþáttur sem oft kom upp í vinnu hópsins er traust á milli stjórnvalda og hagaðila þegar unnið er að undirbúningi friðlýsinga, innleiðingu regluverks og uppbyggingu innviða.

Á fundinum verða einnig kynntar niðurstöður skoðanakönnunar sem gerð var í tengslum við vinnu starfshópsins, þar sem m.a. koma fram áhugaverðar niðurstöður varðandi viðhorf til gjaldtöku á friðlýstum svæðum.

Starfshópinn skipuðu þau:

  • Árni Finnsson, formaður hópsins
  • Guðrún Svanhvít Magnúsdóttir
  • Sveinbjörn Halldórsson

Víðtækt samráð var haft við hagaðila við gerð skýrslunnar og byggði hópurinn við vinnu sína auk gagna og rannsókna sem fyrir liggja, á ýmsum ábendingum frá þeim sem mættu á fund starfshópsins eða sendu inn upplýsingar.

Þjóðgarðar og önnur friðlýst svæði - Staða og áskoranir

Efnisorð

Heimsmarkmiðin

Heimsmarkmið Sþ: 13 Verndun jarðarinnar

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira