Ríkisstjórnin styrkir ASÍ vegna átaksverkefnis í verðlagsmálum
iStockÍ tilefni átaksins hefur ASÍ gefið út nýjan verðskanna í formi smáforrits, sem gerir neytendum kleift að skanna strikamerki og fá upplýsingar um verð vöru í ólíkum smávöruverslunum. Smáforritið Prís er nú aðgengilegt fyrir öll snjalltæki, bæði Android og iOS. Þá mun verðlagseftirlit ASÍ safna tíðum og víðtækum verðupplýsingum í verslunum og auka upplýsingagjöf um verðlag og verðþróun til neytenda.
Menningar- og viðskiptaráðherra gerir samning um styrkveitinguna fyrir hönd ríkisstjórnarinnar. Stuðningur stjórnvalda mun auka gæði, áreiðanleika og aðgengi að verðupplýsingum fyrir neytendur.