Herferðinni Orðin okkar hleypt af stokkunum

Í gær hleypti Jafnréttisstofa af stokkunum herferðinni Orðin okkar með stuðningi forsætisráðuneytisins. Herferðinni er ætlað að hvetja fólk til umhugsunar um áhrifamátt orða sinna. Orð geta sært, sundrað og brotið niður en þau geta einnig nært, huggað og sameinað.

Herferðin er liður í að stuðla að auknu jafnrétti í íslensku samfélagi og berjast á heildrænan hátt gegn hatursorðræðu í samræmi við tilmæli Evrópuráðsins um baráttu gegn hatursorðræðu frá 2022.

Herferðina er að finna á ordinokkar.is, auk upplýsinga um hatursorðræðu, lagaumhverfi hennar og hvernig bregðast megi við henni.