Eyvör: 97 milljónum úthlutað í netöryggisstyrki

Stjórn Eyvarar – hæfniseturs í netöryggi (NCC-IS) hefur samþykkt að veita netöryggisstyrki til fimmtán verkefna, sem nema alls 97 milljónum kr. Eyjólfur Ármannsson innviðaráðherra staðfesti úthlutun netöryggisstyrkjanna. Alls bárust 40 umsóknir að þessu sinni en umsóknarfrestur rann út 17. mars sl. Þetta er í annað sem netöryggisstyrkir Eyvarar eru veittir en fyrst var úthlutað í desember sl.

Markmið netöryggisstyrkja er að efla netöryggi og varnir hjá íslenskum fyrirtækjum og opinberum stofnunum. Til þess að hljóta styrk þurfa verkefni að falla undir einn eða fleiri af eftirfarandi flokkum:

• Efling netöryggismenningar og vitundar.
• Hagnýt menntun, rannsóknir og þróun.
• Örugg stafræn þjónusta og nýsköpun.
• Öflug löggæsla, netvarnir og þjóðaröryggi.
• Skilvirk viðbrögð við atvikum.
• Sterkir innviðir, tækni og lagaumgjörð.

„Netöryggisstyrkir Eyvarar hafa sannað gildi sitt. Þeir eru þýðingarmiklir til að styrkja netöryggi og efla netöryggisvitund á Íslandi. Við höfum fundið fyrir mikilli ánægju með að slíkir styrkir væru í boði hérlendis,“ segir Eyjólfur Ármannsson innviðaráðherra. 

Styrkir eru fjármagnaðir að helmingi úr ríkissjóði en samfjármagnaður með framlögum úr áætlun ESB um stafræna Evrópu (Digital Europe). Hámarksstyrkupphæð fyrir hvert styrkt verkefni er níu milljónir kr., gegn 20% mótframlagi frá styrkhöfum.

Sérstakt fagráð fer yfir umsóknirnar og gerir tillögur til stjórnar Eyvarar. Stjórnin samþykkir úthlutun netöryggisstyrkja og sú ákvörðun er síðan staðfest af innviðaráðherra.

Eftirtalin verkefni hlutu netöryggisstyrki Eyvarar – vorúthlutun 2025:

Nánari upplýsingar:

• Nánari lýsing á styrkþegum í vorúthlutun netöryggisstyrkja Eyvarar – viðhengi
• Vefsíða Eyvarar  
• Upplýsingar um netöryggisstyrki á vefsíðu Rannís
• Styrkþegar netöryggisstyrkja haustið 2024