18. júní 2025 Félags- og húsnæðismálaráðuneytið

Samkomulag við Noreg um samstarf um tengilið við Evrópsku vinnumálastofnunina

Á myndinni eru frá vinstri: Pål Skaufjord sameiginlegur fullltrúi EFTA-landanna hjá ELA í Bratislava, Gissur Pétursson fulltrúi Íslands í stjórn ELA, Mona Næss fulltrúi Noregs í stjórn ELA og Cosmin Boiangiu forstjóri Evrópsku vinnumálastofnunarinnar sem endurkjörinn var sem forstjóri til næstu fimm ára á stjórnarfundi ELA nú í vikunni. - mynd — Á myndinni eru frá vinstri: Pål Skaufjord sameiginlegur fullltrúi EFTA-landanna hjá ELA í Bratislava, Gissur Pétursson fulltrúi Íslands í stjórn ELA, Mona Næss fulltrúi Noregs í stjórn ELA og Cosmin Boiangiu forstjóri Evrópsku vinnumálastofnunarinnar sem endurkjörinn var sem forstjóri til næstu fimm ára á stjórnarfundi ELA nú í vikunni.

Félags- og húsnæðismálaráðuneytið hefur gert samkomulag við vinnumálaráðuneyti Noregs um samstarf um aðgang að þjónustu norsks tengiliðar við Evrópsku vinnumálastofnunina (ELA) sem starfar í Bratislava, Slóvakíu. Samkomulagið tryggir Íslandi aðgang að sérfræðiþekkingu og upplýsingamiðlun á vettvangi ELA.

Samkvæmt samkomulaginu mun norski tengiliðurinn sinna verkefnum fyrir Íslands hönd og fela þau meðal annars í sér samskipti við ELA, stuðning við eftirlitsverkefni og upplýsingamiðlun milli stofnana.

Samstarfinu er ætlað að efla tengsl Íslands við Evrópsku vinnumálastofnunina og stuðla að markvissari samhæfingu og upplýsingaflæði í málefnum sem varða réttindi og skyldur á vinnumarkaði Evrópu.

Hafa samband

Ábending / fyrirspurn

Hafa samband

Skilaboðin hafa verið send ráðuneytinu til afgreiðslu.