Embætti framkvæmdastjóra Menntasjóðs námsmanna auglýst til umsóknar

Menningar-, nýsköpunar- og háskólaráðuneytið óskar eftir metnaðarfullum einstaklingi í embætti framkvæmdastjóra Menntasjóðs námsmanna. Um starfsemi Menntasjóðs námsmanna fer samkvæmt lögum um sjóðinn nr. 60/2020. Framkvæmdastjóri sinnir daglegum rekstri Menntasjóðsins, sér um fjárreiður, reikningsskil og gerð fjárhagsáætlana og ber ábyrgð á að sjóðurinn starfi í samræmi við lög og stjórnvaldsfyrirmæli. Framkvæmdastjóri ber ábyrgð á því að rekstrarútgjöld og rekstrarafkoma sjóðsins sé í samræmi við fjárlög og að fjármunir hans séu nýttir með réttum hætti.

Umsóknarfrestur er til og með 11.07.2025

Helstu verkefni og ábyrgð

• Ábyrgð á daglegri starfsemi sjóðsins, fjárreiðum hans og rekstri.
• Gerð fjárhagsáætlana og eftirfylgni.
• Ábyrgð á mannauðsmálum.
• Samstarf við stjórn sjóðsins.
• Fer með fyrirsvar sjóðsins út á við og ber ábyrgð á samskiptum við fagráðu-neyti og aðra opinbera aðila.
• Eftirfylgni með framkvæmd laga um Menntasjóð námsmanna og úthlutunarreglum sjóðsins.

Hæfniskröfur

• Háskólamenntun sem nýtist í starfi.
• Yfirgripsmikil reynsla á sviði stjórnunar og rekstrar.
• Þekking og haldgóð reynsla af fjárhagsáætlanagerð og reikningsskilum í samræmi við lög um opinber fjármál.
• Þekking á málefnum Menntasjóðs námsmanna er æskileg.
• Framúrskarandi leiðtoga- og samskiptahæfni.
• Skipulagshæfileikar, sjálfstæði, sveigjanleiki og frumkvæði i starfi.
• Þekking og reynsla af stjórnsýslulögum.
• Góð kunnátta í íslensku, ensku og einu norðurlandamáli er æskileg.

Frekari upplýsingar um starfið má nálgast á starfatorgi auk upplýsinga um starf sérfræðings í gervigreind og starf sérfræðings í háskóla og vísindamálum.